အာလူး

မျိုး

ရောဂါဒဏ်ခံနိုင်သော အထွက်ကောင်းမျိုးကို ရွေးချယ်စိုက်ပျိုးပါ။ ဥပမာ-ဟော်လန်မျိုး၊ မလေးရှားမျိုး။ ပြန်လည်စိုက်ပျိုးရန်အတွက် မျိုးကို ဆွဲသီး၊ ဂေါ်လီအရွယ်ကို ရွေးချယ်ပါ။ တစ်ဧကအတွက် မျိုး ၄၀၀-၅၀၀ ပိဿာ လိုအပ်ပါသည်။

မြေပြုပြင်ခြင်း

သဲနုန်းမြေ၊ မြေနီသဲဝန်းများကို ကြိုက်နှစ်သက်သည်။ ထယ်ရေး၊ ထွန်ရေး ကောင်းကောင်းဆောင်ရွက်ပါ။ ၁ ပေ ၁ ပေခွဲ စိုက်တန်း၊ ထယ်ကြောင်း များ ဆွဲပါ။

စိုက်ချိန်

ရေအာလူး – နိုဝင်ဘာ၊ ဒီဇင်ဘာ။
မိုးအာလူး – မတ်၊ ဧပြီ။
စကအာလူး – ဇူလိုင်၊ သြဂုတ်။
ဆောင်းအာလူး – စက်တင်ဘာ၊ အောက်တိုဘာ။

စိုက်ပျိုးခြင်း

စိုက်တန်း ထယ်ကြောင်းအတွင်း မြေခံမြေသြဇာ၊ လောင်၊ တော်ပီဒို ၃ ဂျီအာ ထည့်ပါ။ အပေါ်မှ နွားချေးမှုန့်များ ထည့်ပါ။ နွားချေးအပေါ်မှ အာလူးမျိုးဥများကို တစ်လုံးနှင့် တစ်လုံး ၄ လက်မ၊ ၆ လက်မခြား၍ ထည့်ပါ။ မျိုးဥများထည့်ပြီးလျှင် မြေပြန်ဖို့ပေးပါ။ မြေပြန့်ဆောင်း အာလူး များ စိုက်ပျိုးရာတွင် စိုက်ကွက်များ ဖော်၍ မြေဆွေးများ ထည့်ပေးပြီး ရေသွင်းမြောင်းများ၊ ကန်သင်းများဖော်၍ စိုက်ပျိုးနိုင်သည်။

အပင်ပြုစုခြင်း

အပင်ပေါက်စုံပြီး ၅-၁၀ ရက်သားတွင် ပေါင်းပေါက်၊ ဘောင်လုံးပေးရပါမည်။ အာလူးပေါင်းရှင်းရန်အတွက် အာလူးပေါင်းသတ်ဆေးအသုံးပြုပေးနိုင်ပါသည်။

သဘာဝမြေသြဇာနှင့် ဓာတ်မြေသြဇာ

မြေပြင်ချိန်တွင် နွားချေးလှည်း (၇-၁၀) စီး ထည့်ပါ။

စိုက်ကြောင်းအတွင်း မြေခံအဖြစ် ကောမက် စွမ်းအား (၁၅၀-၂၀၀) ကီလို နှင့် ကောမက် ဂျစ်ပ်ဆမ် (၅၀-၇၅)ကီလိုအသုံးပြုပါ။ ဘောင်လုံးချိန် (၂၅-၃၀) ရက်သား တစ်ဧကလျှင် ကောမက်ပရီမိုလိုက် ၅၀ ကီလို + ကောမက်ထွက်တိုးဂျီ-၄၅ (၂၅) ကီလို အသုံးပြုပြီး ဘောင်လုံးပါ။

အပင်ပေါက်ပြီး (၁၅)ရက်သားမှစ၍ အပင်ဟော်မုန်းဆေး ဖြစ်သော မိုရယ်မုန်းနှင့် ကောမက် ထရေစ့်တို့ကို (၇-၁၀) ရက်ခြား တစ်ကြိမ်နှုန်း ဖျန်းပါ။ အာလူးဥများ ကြီးထွား၍ အထွက်နှုန်း မြင့်မားစေရန် ပန်းစပွင့်ချိန်၌ ဂိုးလ် ၅၀ အက်စ်စီနှင့် ကောမက်ထရေစ့်တို့ကိုလည်း သုံးစွဲပေးပါ။

နုတ်သိမ်းခြင်း

အပင်များနွမ်း၍ ကျသွားချိန်တွင် နုတ်သိမ်းနိုင်ပါသည်။ ဈေးကွက်အခြေအနေအရ ဈေးကောင်းပါက အပင်ကျချိန် စောစော နုတ်သိမ်းနိုင် သည်။ (သို့မဟုတ်ပါက ဈေးစောင့်၍ နောက်ကျမှလည်း ရိတ်သိမ်းနိုင်ပါသည်။)