နှမ်း

မျိုး

အထွက်ကောင်းမျိုးများဖြစ်သည့် ဆင်းရတနာ (၃) (ရေငတ်ဒဏ်ခံနိုင်)၊ ဆင်းရတနာ (၄) (အဖြူရောင်)၊ ဆင်းရတနာ (၅) (အပူဒဏ်ခံ) မျိုးများကိုစိုက်ပါ။ မျိုးစေ့ကို မြန်မာ့သြဘာမျိုးစေ့လူးနယ်ဆေးဖြင့် လူးနယ်ပြီးမှ စိုက်ပါ။

မြေပြင်ခြင်း

မြေကို ထယ်ရေးနက်နက်၊ ထွန်ရေးညက်အောင် ပြင်ပါ။ အမှိုက်ကိုစင်အောင် ကောက်ပါ။ မြေမျက်နှာပြင် ညီညာအောင် ဆောင်ရွက်ပါ။ ရေသွင်းရေထုတ်မြောင်းများ စနစ်တကျ ပြုလုပ်ပေးပါ။

စိုက်စနစ်

စိုက်ချိန်တွင် အပင်ပေါက်ရရှိရန် လုံလောက်သော အစိုဓာတ် ရှိရပါမည်။ အပင်ဦးရေ မှန်ကန်စေရန် တစ်ပင်တိုင် မျိုးများအား တန်းကြား ၁၂လက်မ ကိုင်းဖြာသည့် မျိုးများအား ၁၅ လက်မ ထား၍ စိုက်ပျိုးပါ။ အပင်သက်တမ်း ၂ ပတ်သားတွင် ၄ လက်မခြား၊ တစ်ပင်ချန် စနစ်ဖြင့် သားခွဲပါ။ပန်းစပွင့်ချိန်နှင့် တုံးချိန်တွင် ရေလုံလောက်စွာ ရရှိရပါမည်။

သဘာဝမြေသြဇာနှင့် ဓာတ်မြေသြဇာ

မြေမပြင်မီ နွားချေး၊ အမှိုက်ဆွေး တစ်ဧက (၅-၁၀) စီး ချပေးပါ၊
မြေခံ ကောမက်စွမ်းအား ၂၅ ကီလို + ဂျစ်ပဆမ် ၂၅ ကီလို အသုံးပြုပါ။ ပင်ပိုင်းကြီးထွားချိန် (၂၅)ရက်သား ရွှေကောမက် ( ၂၅-၅၀) ကီလို နှင့် ကောမက်ထွက်တိုး ဂျီ ၄၅ (၂၅-၅၀) ကီလိုထည့်သွင်းအသုံးပြုပါ။

ပေါင်းသတ်ဆေးအသုံးပြုခြင်း

အပင် ၁-လသားအထိ ပေါင်းမြက်ကင်းစင်ရန် လိုအပ်ပါသည်။ နှမ်းခင်းအတွင်းရှိ ပေါင်းများကိုမက်တယ်၊ ဖော်ကျွန်း ပေါင်းသတ်ဆေးများကိုအသုံးပြု၍ နှိမ်နှင်းနိုင်ပါသည်။

၁။ ဖော်ကျွန်း – နှမ်းစိုက်ပြီး(၃၀)ရက်သားအတွင်း မြက်ပေါင်း သီးသန့် ရွေးသတ်လိုပါက ဖော်ကျွန်း မြက်ရွေးချယ် ပေါင်းသတ်ဆေးကို သုံးပါ။

၂။ မက်တယ် – မြေပဲ၊ ကြံ၊ ဝါ၊ ပြောင်း၊ နှမ်း၊ ဆေးရွက်ကြီး စသည့် သီးနှံစိုက်ခင်းများအတွင်းရှိ မြက်၊ ရွက်ပြန့်ပေါင်း၊ မုန်ညင်းများကိုသတ်ပေးနိုင်သော ရွေးချယ် ပေါင်းသတ်ဆေး ဖြစ်သည်။ မျိုးစေ့ချ မြေဖုံးပြီး (၃) ရက်အတွင်း အစိုဓာတ် လုံလောက်ချိန် ဖျန်းပါ(သို့)ရေသွင်းပြီး/မိုးရွာပြီး မြေမခြောက်ခင် ဖျန်းပါ။ မက်တယ်သုံးလျှင် သမန်းညက်မှ ထိရောက်ပါသည်။ မက်တယ်သည် အစေ့သေးမှ ပေါက်သောပေါင်းများအား သေစေနိုင်သော်လည်း အဆစ်၊ အကိုင်း၊ အတက်၊ ဥမှ ပေါက်သော ပေါင်းများကို မသတ်နိုင်ပါ။

ရိတ်သိမ်းခြင်း

ရိတ်သိမ်းချိန်တွင် အလေအလွင့် နည်းစေရန် အောက်သီး စကွဲချိန် အဖျားသီးများကို ခွဲကြည့်၍ အရောင်လိုက်ချိန်တွင် ရိတ်သိမ်းပါ။ နှမ်းအရည်အသွေး ကောင်းရန် ရိတ်သိမ်းပြီး တိုက်ရိုက် စည်းထောင်ပါ။