ပဲစိုက်ခင်းတွေမှာ ဆိုးရွားစွာ ကျရောက်နေသော ပဲပင်စည်ထိုးယင် (Bean Stem Fly)
ယခုအခါ အောက်မြန်မာပြည်ရှိ ပဲစိုက်ခင်းများတွင် ပဲပင်စည်ထိုးယင်များ ဆိုးရွားစွာ ကျရောက်နေသောကြောင့် ပဲစိုက်တောင်သူများ သတိပြုကာကွယ်နိုင်ရန် ဖော်ပြလိုက်ပါသည်။
ပဲပင်စည်ထိုးယင်သည် တောက်ပ၍ နက်ပြာရောင်ရှိပြီး သေးငယ်သည်။ လောက်ကောင်ငယ်သည် ဝါဖြူရောင်ရှိသည်။ ရုပ်ဖုံးသည် စည်ပိုင်းပုံ သဏ္ဍာန်ရှိပြီး အစပိုင်းတွင် အဝါရောင်မှနောက်ပိုင်း အညိုရင့်ရောင်သို့ ပြောင်းသွားသည်။ ပဲကြီး၊ ပဲတီစိမ်း၊ မတ်ပဲ၊ ကုလားပဲ၊ ပဲပုပ်စသည့် ပဲများတွင် စားသောက်ဖျက်ဆီးလေ့ရှိသည်။ ပဲပင်စည်ထိုးယင်၏ ဘဝစက်ဝန်းတွင် ဥ၊ လောက်ကောင်၊ ရုပ်ဖုံးနှင့် အကောင်ကြီးအဆင့်တို့ ပါဝင်သည်။လောက်ကောင်အဆင့်သည် အပူချိန်ပေါ်မူတည်၍ (၈-၁၀) ရက်ကြာနိုင်သည်။ ရုပ်ဖုံးအဆင့်သည် အခြေအနေပေါ်မူတည်၍ (၇-၂၀) ရက်ထိ ကြာမြင့်နိုင်သည်။ အကောင်ကြီးသည် ရုပ်ဖုံးမှထွက်လာပြီး (၂-၃)ရက်အတွင်း မိတ်လိုက်ကြသည်။အရွက်၏ အောက်မျက်နှာပြင်မှာရော အပေါ်ဘက်မျက်နှာပြင်မှာပါ ဥ အုနိုင်သည်။ တစ်ခါတစ်ရံ အရွက်ရိုးတံ၏ အလယ်ကြောတွင် အု သည်။ယင်ကောင် အမသည် ဥပေါင်း ပျမ်းမျှ ၁၀၀ ခန့် ဥနိုင်ပြီး ၂၂ရက်လောက်ထိ ရှင်သန်နိုင်သည်။
ဖျက်ဆီးမှုလက္ခဏာအစပိုင်းလက္ခဏာများမှာ အကောင်ကြီးများမှ ဥအုခြင်းနှင့် စားသောက်ဖျက်ဆီးခြင်းကြောင့် အရွက်ပေါ်တွင် အဝါဖျော့ရောင်ဧရိယာများ ပေါ်လာသည်။ ပိုးကျရောက်မှုဆိုးရွားပါက အရွက်ကြွေသည်အထိ ဖြစ်နိုင်သည်။လောက်ကောင်သည် အရွက်နှင့် ပင်စည်တို့၏ အောက်တွင် ဥမင်လိုဏ်ခေါင်းကဲ့သို့ ဖောက်၍ စားသောက်ဖျက်ဆီးသည်။လောက်ကောင်ငယ်များ ဖျက်ဆီးထားပါက အရွက်ပေါ်တွင် ထွင်းဖောက်စားထားသော အရာများ တွေ့ရသည်။အဆိုးရွားဆုံးမှာ ပင်စည်ကို စားသောက်ဖျက်ဆီးခြင်းဖြစ်သည်။ ပင်စည်အခြေကို ဖျက်ဆီးသောကြောင့် ပင်စည်များ ဖောင်းပွလာကာ ကွဲထွက်သွားသည်။ဆိုးရွားစွာကျရောက်လျှင် အပင်သည် ယိုင်လဲပြီး ညှိုးလာကာ နောက်ဆုံး သေသည်အထိ ဖြစ်နိုင်သည်။ အကယ်၍ အပင်မသေသော်လည်း အပင် ကြီးထွားမှုနှင့် အထွက်နှုန်းကို လျော့နည်းစေသည်။ပင်စည်ထိုးယင် ရှိမရှိ စစ်ဆေးနည်း
အရွက်ပေါ်တွင် ဥများရှိနေခြင်းလောက်ကောင်ငယ်မှ အရွက်၊ ရိုးတံနှင့် ပင်စည်တွင် ဥမင်လိုဏ်ခေါင်းကဲ့သို့ ဖောက်ထားခြင်းပင်စည်အခြေတွင် ဖောင်းပြီး အက်ကွဲနေခြင်းပင်စည်ထဲတွင် ရုပ်ဖုံးများရှိနေခြင်းအကောင်ကြီး ယင်များ ရှိနေခြင်း များကိုကြည့်ရှု့စစ်ဆေးပြီး ကာကွယ်နှိမ်နင်းခြင်းများ ဆောင်ရွက်သင့်ပါသည်။ကာကွယ်နှိမ်နင်းနည်းစောစောစိုက်ပျိုးခြင်း၊ ခံနိုင်ရည်ရှိသောမျိုးများ စိုက်ပျိုးခြင်း၊ လက်ခံပင်မတူသည့် မျိုးများ သီးလှည့်စိုက်ပျိုးခြင်း။စိုက်ခင်းအတွင်း စိုက်ခင်းဘေး ပေါင်းရှင်းပေးခြင်းဖျက်ဆီးခံရသော အပင်များနှင့် ပင်ကြွင်းပင်ကျန်များကို ရှင်းလင်းဖယ်ရှားပေးခြင်းအကောင်ကြီးများကို ဖမ်းယူနိုင်ရန် စေးကပ်သော ထောက်ချောက်များကို အသုံးပြုနိုင်သည်။ ဓာတုဆေးအသုံးပြုလိုပါက မြန်မာ့ဩဘာမှ ဖိုင်းရား အသုံးပြုနိုင်ပါသည်။
