ဖျူစေရီယမ်
ပင်ညှိုး ကာကွယ်ရန် မျိုးစေ့လူးနယ်ဆေး
ဆေးအမည်
ဖျူစေရီယမ်
အဓိကအကျိုးကျေးဇူးများ
- ပင်လုံးပြန့်မှိုသတ်ဆေး ၂မျိုးပါဝင်သောကြောင့် အခြားလူးနယ်ဆေးများထက် ရောဂါကာကွယ်မှုပိုပေးနိုင်ခြင်း၊
- အပင်ပေါက်နှုန်းမြင့်မားပြီး အပင်ကြီးထွားသန်စွမ်းမှုကောင်းခြင်းကြောင့် မျိုးစေ့နှုန်းကို ပုံမှန်စံချိန်စံညွှန်းအတိုင်း သုံးနိုင်ခြင်း၊
- အပင်သေ၊ အပင်ဆုံးရှုံးမှုလျော့နည်းခြင်း၊
- အပင်ငယ်စဉ်ကျရောက်တတ်သော ရောဂါများကို ကာကွယ်နိုင်ခြင်း၊
- ပိုးမွှားရောဂါကာကွယ်နှိမ်နင်းမှုအပြင် အမြစ်ဖွံ့ဖြိုးမှုမြန်ဆန်ခြင်း၊ အကိုင်းအလက်စောစီးမြန်ဆန်စွာ ဖြစ်ပေါ်ခြင်း၊ အရွက်များစိမ်းစိုတောက်ပမှုကြာရှည်ခံခြင်း အစရှိသည့်သီးနှံအရည်အသွေးတိုး တက်မှုကိုပါ ရရှိစေပါသည်။
အကြံပြုချက်
- တောင်သူဦးကြီးတို့ရဲ့ ပဲမျိုးစုံသီးနှံစိုက်ခင်းမှာ ရောဂါကင်းရှင်းချင်တယ်ဆိုရင်တော့ မစိုက်ပျိုးခင်ကတည်းက မျိုးစေ့ကို လူးနယ်ဆေးလူးပြီးမှစိုက်ပျိုးဖို့ အကြံပေးပါရစေ။
- ဒီလူးနယ်ဆေးတွင် ဘလိတ်၊ ဇီးလော့၊ ကောမက်ထရေ့စ်၊ လောင်ပါဝင်ပြီး မျိုးစေ့ကိုလူးနယ်အသုံးပြုခြင်းအားဖြင့် ပဲမျိုးစုံသီးနှံတွင် အဖြစ်များသော ဖျူစေရီယမ်ပင်ညှိုးရောဂါအပြင် တခြားသောမှိုရောဂါများ မဖြစ်အောင် ကြိုတင်ကာကွယ်ထားနိုင်မှာပါ။
သုံးစွဲနည်း
- မျိုးစေ့လူးနယ်ဆေးတစ်ထုပ်လျှင် မျိုး(၂)တင်း လူးနယ်နိုင်ပါသည်။
- ဆေးဖျန်းပုံးတစ်ပုံး (သို့) သင့်တော်ရာ ထည့်စရာတစ်ခုတွင် ရေနို့ဆီဗူး ၄ဗူးထည့်ပါ။
- မျိုးစေ့လူးနယ်ဆေး (၄)မျိုးစလုံးကို ထည့်၍ သမအောင်မွှေပါ။
- သမအောင်မွှေထားသောဆေးရည်များကို မျိုးစေ့အပုံပေါ်သို့ ညီညာစွာပက်ဖျန်း၍ လက်အိတ်(သို့) ထွန်ခြစ်ဖြင့် ပြန့်နှံ့အောင်မွှေပါ။
- မျိုးစေ့လူးနယ်မှုပြန့်နှံ့သွားလျှင် အရိပ်ထဲတွင် ခေတ္တလေသလပ်ခံထားပြီးမှ မျိုးချစိုက်ပျိုးပါ။
